बार्सिलोनाद्धारा म्यानचेस्टर युनाइटेड पराजित

काठमाडौं, साउन १२—

इन्टरनेसनल च्याम्पियन्स कप फुटबलमा स्पेनिस क्लब बार्सिलोनाले इंग्लिस क्लब म्यानचेस्टर युनाइटेडलाई पराजित गरेको छ ।अमेरिकाको मेरिल्याण्डमा आज बिहान भएको खेलमा बार्सिलोनाले युनाइटेडमाथि १–० को जित निकालेको हो ।

823249998.0

 

मेरिल्याण्डको फेडेक्सफिल्ड स्टेडियममा भएको खेलमा बार्सिलोनालाई जित दिलाउन एक मात्र गोल नेयमारले गरे । पहिलो हाफको ३१ औं मिनेटमा नेयमारले गरेको गोल नै बार्सिलोनाको जितमा निर्णायक बनेको थियो । उनले युनाइटेडका डिफेन्डर भ्यालेन्सियाले क्लियर गर्न नसकेको बल खोस्दै गोल गरेका हुन् । त्यसपछि दुवै टोलीबाट थप गोल हुन् सकेन र खेल बार्सिलोनाले आफ्नो पक्षमा बनायो ।

यसै सिजन फ्रान्सेली क्लब पेरिस सेन्ट जर्मेन (पिएसजी) जाने हल्ला चलिरहेको बेला नै नेयमारले बार्सिलोनाका लागि प्रि सिजनको पछिल्लो दुर्इ खेलमा तिन गोल गर्न सफल भए । नेयमारले गत हप्ता युभेन्टसविरुद्ध पनि २ गोल गरेका थिए । नेयमारलाई भित्राउन पिएसजीले १९६ मिलियन पाउण्ड तिर्न तयार रहेको बताउदै आएका छन् । तर, बार्सिलोनाले भने नेयमार क्लबमै रहने बताइसकेको छ ।

युरोपियन फुटबलमा नयाँ सिजन सुरु हुनुअघिको प्रि सिजनको तयारी अन्तर्गत इन्टरनेसनल कपको लागि बार्सिलोना र युनाइटेड हाल अमेरिकामा रहेका छन् ।अमेरिकामा रहेको बार्सिलोनाले गत हप्ता इटालियन क्लब युभेन्टसलाई पराजित गरेको थियो । यस्तै युनाइटेडले स्पेनिस च्याम्पियन रियल मड्रिडलाई पराजित गरेको थियो ।

 

स्रोत--http://www.recentnepal.com/news/43932/%E0%A4%AC%E0%A4%BE%E0%A4%B0%E0%A5%8D%E0%A4%B8%E0%A4%BF%E0%A4%B2%E0%A5%8B%E0%A4%A8%E0%A4%BE%E0%A4%A6%E0%A5%8D%E0%A4%A7%E0%A4%BE%E0%A4%B0%E0%A4%BE-%E0%A4%AE%E0%A5%8D%E0%A4%AF%E0%A4%BE%E0%A4%A8%E0%A4%9A.html

सई सा’ब भए जुमानु, राष्ट्रिय टिममा नफर्किने ‘घोषणा’

नेपाली यू-२३ टोलीले बंगलादेशसँग मैत्रिपूर्ण फुटबल खेल्नु अघि नेपाली फुटबल समर्थकका लागि खुसीको खबर बन्यो, जुमानु राईको बढुवा ।

दुई तारे फुली लगाएर हँसिलो मुद्रामा रहेका जुमानुको तस्वीर शेयर गर्दै धेरैले बधाई दिएका छन् ।

19875568 1590900424294342 1564672297076241562 nनेपाली राष्ट्रिय टोलीका स्ट्राइकर समेत रहेका राईको प्रहरी नायव निरीक्षक (सई)मा बढुवा भएको हो अर्थात उनी अब सई सा’ब भएका छन् ।जुमानुले हालै प्रमोसन पाएका हुन् । सर्लाहीको हरिवनमा घर भएका जुमानुले २०५९ सालमा नेपाल पुलिस क्लबमा प्रवेश पाएका थिए ।

लगत्तै उनले प्रहरीमा सिपाहीको जागिर पाए । त्यसपछि उनले तीनपटक प्रमोसन खाएका छन् । पुलिस टिमले राष्ट्रिय लिग जित्दा उनको हवल्दारमा बढुवा भयो भने, एएफसी प्रेसिडेन्ट कपमा उपविजेता हुँदा असई भए ।उनी अहिले पुलिस टिमका कप्तान हुन् । जसले पहिला फुली लगाउँछ, पुलिस क्लबमा उसैलाई कप्तान दिइन्छ ।

जुमानु पुलिसमा प्रवेश गर्दा नेपाली फुटबलमा पुलिस क्लबकै दबदबा थियो । खेलाडीहरु पनि पुलिससँग एकसेएक थिए । त्यसैले टिममा स्थान बनाउन जुमानुलाई सजिलो थिएन । तर, जब मौका पाउँथे, जुमानुले आफूलाई प्रमाणित गरेर देखाउँथे । अन्ततः उनले एउटा स्ट्राइकरको भूमिकामा आफूलाई स्थापित गरे ।

२०६२ सालमा उनले राष्ट्रिय फुटबल टिममा स्थान बनाए । मकाउविरुद्धको खेलमा उनले डेब्यू गरेका थिए । नेपाली फुटबलमा अहिले पुलिसको दबदबा पहिले जस्तो छैन । जुमानु पनि राष्ट्रिय टोलीमा नपरेको धेरै भइसक्यो । आफू राष्ट्रिय टिमबाट खेल्दा सबैले सतप्रतिशत प्रयास गरेको तर सोचेअनुसार नतिजा निकाल्न नसकेको उनले बताए ।

उनले आफ्नो करिअरमा राष्ट्रिय टिमबाट ५३ म्याच खेलेका छन् भने १२ अन्तर्राष्ट्रिय गोल गरेका छन् । ३४ वर्षीय जुमानुले भने, ‘अहिले आएका नयाँ भाइहरुले धेरै राम्रो गरिरहेका छन्, अब म उनीहरुको ठाउँ लिन चाहन्न ।’

 

-http://www.onlinekhabar.com/2017/07/609151/


अनलाइन खबर संग कुरा गरेको आधारमा :

इरान विश्वकपमा छनोट

iran adidas 2016 2017 kits banner 1

काठमाडौं, जेठ ३० – इरान विश्वकप फुटबलमा छनौट भएको छ । सोमबार राति भएको खेलमा उज्वेकिस्तानलाई २-० गोल अन्तरले हराउँदै इरान आउँदो वर्ष रसियामा हुने विश्वकप खेल्ने तेश्रो टिम बनेको छ ।

छनौट चरणबाट ब्राजिल तथा रसियाले आयोजकको नाताले विश्वकपमा यसअघि नै स्थान सुरक्षित गरेका छन् । इरान आउँदो वर्षको विश्वकपमा छानिने एसियाको पहिलो टिम हो । विश्वकप छनौटको तेश्रो चरणमा समूह ‘ए’मा छैटौं जित निकाल्ने क्रममा इरानले सोमबार राति उज्वेकिस्तालनई हराएको थियो । इरानको ८ खेलबाट २० अंक भएको छ । तेश्रो स्थानमा रहेको उज्वेकिस्तानको १२ अंक छ । दक्षिण कोरियाको भने ७ खेलबाट १३ अंक छ । समूहका शीर्ष दुई टिम विश्वकपमा छनौट हुन्छन् भने तेश्रो स्थानको टोलीले चौथो चरणमा प्ले अफ खेल्न पाउँछ । 

विश्वकपको एशियाली छनौटको समूह ‘बि’मा रहेका इराक र थाइल्याण्डको भने विश्वकपमा छनौट हुने सम्भावना सकिएको छ । 

सन् १९७८ मा पहिलो पल्ट विश्वकप खेलेको इरान विश्वकपमा छनौट भएको यो पाँचौं अवसर हो । १९७८, १९९८, २००६ र २०१४ का विश्वकप खेलेको इरान समूह चरणबाट माथि उक्लिन सकेको छैन । 

-ujyaaloonline

थापासँग एन्फाले स्पष्टीकरण माग्यो - नागरिकन्युज

anfalogo

अखिल नेपाल फुटबल संघ (एन्फा) ले नियोजित षडयन्त्रको आरोप लगाएका एपिएफका प्रशिक्षक कृष्ण थापासँग स्पष्टीकरण मागेको छ। मंगलबार रुस्लान थ्री स्टारसँगको खेलपछि थापाले भनेका थिए 'करिब ५ महिनापछि लिग सुरु भएको छ।

एन्फाले हामीविरुद्ध षडयन्त्र नगरेको भए हामी लिग रोकिएको यो अवधिभर शीर्ष स्थानमा रहन्थ्यौं। एन्फाले हामीलाई शीर्ष स्थानमा रहन नदिनकै लागि भुइँचालो गएको दिन वैशाख १२ मा पनि लिगको खेल गरायो।,' भनेर नागरिकन्युजले समाचार छापेको छ

थापालाई असोज २ गते १० बजेभित्र लिखित जवाफ पेश गर्ने गरी स्पष्टीकरण मागिएको जनाउँदै एन्फाका सिइओ इन्द्रमान तुलाधरले भने, 'सबै क्लब प्रतिनिधिको सहभागितामा नियमानुसार बनाइएको खेलतालिकामा उहाँले कसरी एन्फाको षडयन्त्र देख्नुभयो। त्यसमा जवाफ मागेका छौं।'

एन्फाले थापाले झापा र मोरङबीचको भइसकेको खेलमा मिलेमतो भएको र हुने खेलमा पनि त्यस्तै हुने अभिव्यक्ति दिएकोमा पनि जवाफमा मागेको छ।

सोही पत्रकार सम्मेलनमा थापाले वैशाख १२ मा झापा र मोरङबीच भएको खेलमा मिलेमतो भएको र तीनै दुई टोलीबीच भदौ ३० मा हुने खेलमा पनि मिलेमतोको आशंका अघिल्लो दिन गरेका थिए। ' उहाँले मिलेमतोको आरोप लगाउनु भएको छ,' सिइओ तुलाधरले भने,'त्यसको आधार के हो, प्रमाण पेश गर्न भनेका छौं।'

फिफा गोल प्रोजेक्ट अनियमितता - कान्तिपुर समाचार

dharan stadium

 

नेपालको धरानस्थित फुटबल एकेडेमी सुविधायुक्त मैदानमा बाख्रा चरिरहेको भेटिन्छ। यहाँ खटिने एक्ला कर्मचारी (चौकीदार) ले एक वर्षयता तलब नपाएको बताए।

पाकिस्तानको हकबे ट्रेनिङ सेन्टरमा फुटबल मैदान मान्न लायक केही देखिँदैन। खेलाडी छैनन् र गोलपोस्ट मात्र छ। फिफाको ५ लाख डलर सहयोगमा अरेबियन समुद्री तटनजिक कराँचीमा यसको निर्माण औपचारिक रूपमा दुई वर्षअघि मात्र पूरा भएको थियो। यी दुबै फिफाको रकमले बनेका हुन्। दक्षिण एसियामा फुटबल विकासका लागि भनेर आयोजित यी दुई परियोजनाको आधाभन्दा बढी निर्माण कार्य हुनै बाँकी छ। जबकि यी दुई देशले यो वर्ष मात्र फुटबलको सर्वोच्च संस्था फिफाबाट २० लाख डलर बढी लिइसकेका छन्।

पाकिस्तानको सबभन्दा राम्रो समुद्री तटको रिसोर्टनजिक बिल्डिङको छतमा कंक्रिटको ठूलो फुटबल पनि छ। मैदान नदीको किनारजस्तो छ, जहाँ घाँस छैन। गार्डले रोयसर्टका रिपोर्टरलाई भित्र जान पनि दिएन। सिध्न फुटबल संघका कोषाध्यक्ष रहिम बलोचले त्यहाँ राष्ट्रिय टिमले कहिल्यै प्रशिक्षण नगरेको बताए। लहोरस्थित कार्यालयमा हायतले सुरुमा आठमध्ये चार परियोजना सम्पन्न भएको बताएका थिए, तर पछि उनले भनेका र भेटिएको तथ्यबारे बुझ्न खोज्दा फोन र म्यासेजको जवाफ दिएनन्।

नेपालको अवस्था पनि त्यस्तै छ। धरान टेक्निकल सेन्टर २००२ मा बनाइएको थियो। तर, त्यसपछि ६ वर्ष लागूपदार्थ दुव्र्यसनी र माओवादी लडाकुले प्रयोग गरेको एकेडेमीका निर्देशक दीपक राईले बताए। स्थानीय क्लबले कहिलेकाहीं त्यहाँ ट्रेनिङ गर्छन्। तर, व्यावसायिक भएको छैन। '२००८ मा उद्घाटन गर्दा स्थानीयले चपरीले घाँससहितको माटो उठाएर मैदानलाई खेल्नलायक देखाउन खोजेका थिए,' राईले भने।

फिफका तत्कालीन दक्षिण एसियाली विकास निर्देशक मणिलाल फर्नान्डो र एन्फा अध्यक्ष थापाले धरानमा उद्घाटन गरेका थिए। एसियाली फुटबल महांसघको २००९ चुनावसम्बन्धी घूस र भ्रष्टाचारसम्बन्धी अनुसन्धानपछि फर्नान्डोलाई फिफाले २०१३ मा आजीवन प्रतिबन्ध लगाएको थियो। फिफा कार्यसमितिमा पनि रहेका यी श्रीलंकालीले दक्षिण एसियामा गोल प्रोजेक्ट दिएका थिए।

फर्नान्डोले २००५ देखि २०१२ सम्म दक्षिण एसियामा व्यवस्थापन गरेका 'सुनामी कोष र गोल प्रोजेक्ट'बारे एन्फालाई पनि फिफाको इथिक्स कमिटिले अनुसन्धानको दायरामा राखेको गत वर्ष जनाएको थियो। कमिटीका प्रवक्ताले अनुसन्धान नसकिएको जनाउँदै विस्तृत विवरण दिन अस्वीकार गरे।

दुई दशकयता एन्फाको नेतृत्व गर्दै आएका थापामाथि २०१२ मा केपीएमजी अडिटमा 'नगदको अनुपयुक्त वितरण' गरेको पाइएपछि फिफाको इथिक्स कमिटीले छानबिन गरिरहेको छ। धरान सेन्टरबारे थापाले आफू अनविज्ञ भएको दाबी गर्दै स्थानीय अधिकारीको असहयोग र संघको आर्थिक कमजोरीलाई दोष दिँदै पन्छिए।

सन् २००० यता फिफाले एन्फालाई फुटबल विकासका लागि ६९ लाख डलर दिएको छ। यस वर्ष मात्र १० लाख ५० हजार डलर दियो। धरानसहित तीन फुटबल एकेडेमी सञ्चालन गर्न फिफाले गोल प्रोजेक्टअन्तर्गत ४ लाख डलर २०१० मा दिएको थियो। तर, एन्फाले धरानलाई त्यो वर्ष १३ हजार डलर मात्र दियो। २५ युवा खेलाडीलाई पूर्णकालीन ट्रेनिङका लागि २००९–१२ को बीच १३ हजार र २१ हजार ३ सय ७० डलर दिएको थियो। थापा र एन्फा अडिटका अनुसार १३ वर्षयता धरान सेन्टर प्रयोगमा आएको यही एक मात्र हो।

खेलाडीलाई स्थानीय अधिकारीले गर्ने व्यवहारलाई लिएर धरान सेन्टर बन्द गरिएको थापाले बताए। 'म त्यहाँ जाँदा राम्रोसँग नहेरेको र केही पनि नसिकाएको भन्दै उनीहरू रोइरहेका थिए,' थापाले भने, 'तर, त्यहाँबाट उत्पादित दुई खेलाडीले उनको भनाइ सत्य नभएको बताए।'

मोरङ फुटबल क्लबका १८ वर्षीय खेलाडी मोहन कटवालले भने, 'धरानको ट्रेनिङ राम्रो थियो। मेरो समय राम्रोसँग बित्यो।' कमर्सका विद्यार्थी सुशान्त चौधरीले पनि ट्रेनिङ राम्रो भएको बताए।

थापाले 'गोल प्रोजेक्ट'को ट्रेनिङको पैसा काठमाडौंस्थित एकेडेमी सञ्चालनमा खर्च गर्ने आफूले निर्णय गरेको बताए। उनी काठमाडौंमै सीमित गर्नमा केन्द्रित भए। दोस्रो गोल प्रोजेक्टबाट राजधानीकै च्यासलमा आधा घेरिएको एकेडेमी बनाए। कोठा बन्द छन्। अनावश्यक वस्तुले करिडोर ढाकिएको छ। मैदानको ठूलो क्षेत्र खराब छ। यहाँ कहिल्यै पूर्णकालीन ट्रेनिङ सञ्चालन नगरेको थापाले बताए। 'यो निकै खतरनाक छ। यो उपयुक्त स्थान होइन। यस वरिपरि दुव्र्यसनी छन्,' उनले भने।

थापाले यस वर्षको फिफाको सहयोग कसरी गर्ने भन्ने अझै सोचिरहेको बताए। तर, धरानका चौकिदार अर्जुन बुढाथोकीले भने, 'अगस्त २०१४ पछि तलबै पाएको छैन।' धरानमा स्थानीय दुई प्रतियोगिता सञ्चालन गर्न घाँस काटाएर सतह मिलाइन्छ। 'त्यसपछि यो काम बाख्राले गर्छ,' स्थानीय दीगम्बर पुरीले भने। चौपाया पालन गरिरहेका उनी धरान सेन्टर सञ्चालन हुँदा सहायक म्यानेजर थिए।

Content/Photo: Kantipur